بحاول اسرد مشكلتي بشكل منصف ومختصر بدون تحيز لنفسي المده الفعليه اللي جلستها عندزوجي شهرين فقط ، كنت زي اي بنت تحلم تكمل حياتها مع شخص يكون لها اخ واب وزوج وصديق ارتبطت بشاب خارج العائله وكان وقتها منفصل عن زوجته الاولى وعنده ولد مريض بالمستشفى عمره اقل من سنه وقالو سبب الطلاق مرض وراثي لانه متزوج قريبته ترددت بالبدايه وخفت بس شفته انسان طموح وراعي صلاة ودين وافقت وانا بنت جميله موظفه اخاف ربي ومن عائله طيبه وتم كل شي بشكل سريع بحسب رغبته رغم اعتراضي لاني موظفه ويالله الحق اجهز واحجز وهالشغلات والاهم ابي اتعرف عليه اكثر واتطمن من ناحيته المهم سوينا ملكه بالبيت والكل انبسط وسويت طاوله تقديم وتوزيعات كلها من شغل يدي وماقصرو صديقاتي بعد الملكه كلمني ونبرة صوته متغيره يقول مافي تنظيم ليش مادليتو اهلي على مكان الحمام والمغاسل وليش امك ماجلست مع اهلي مع انه عارف اني بنت وحيده بين اولاد ماعندي خوات وامي لازم تشيك اذا الرجال يحتاجون شي وقال امك فيه شي ماحسها طبيعيه ماتتكلم وتسولف مع اهلي ابوك احسه عايش على البركه ماعنده اهداف بالحياة بس يصرف عليكم وبس وصديقاتك ليش متحكمين فيك يرقصونك ويزفونك واهلي يقولون عنك شكلها جريئه وانا اصلا من الربكه مدري وين ربي حاطني طبعا كل هالكلام اللي قاله ماشافه بس يسمع خواته
