كانت حياتي مع زوجي لمدة سنه اجمل مايكون كل شي كان مثل ما ابي وزياده تصرفاته معاملته اسلوبه كنت سعيده لابعد درجه واهم شي يحبني ومتفاهمين جدا
من اول ماتزوجنا وهو يقولي مابي تاخذين اي مانع انا احب الاطفال وابيهم ومارفضت هالشي لاني بعد احبهم
مرت سنه كامله وكل ماقابلني احد يسأل اهله واهلي صديقاتي حتی اصحابه
انا كنت اشوف انه عادي ولا كان هامني الوضع بس يوم مرت سنه كامله وكثرت اسألة الناس قلت له خلينا نحلل
بنفس اليوم اللي يطلع فيه التحليل قلبي وجعني قلت انا ابي اروح استلمه ولوحدي ابي اشوفه قبله
وجات صدمة عمري كلها انا ما اخلف !!
ما اقدر اوصف حالتي يومها نهائي رحت بيت اهلي وجلست ب غرفتي ابكي لين رجعت وجاني صداع وتعبت
وهو يتصل فيني مايدري ايش صاير ماقدرت ارد ارد ايش اقوله حالتي كانت مايعلم فيها الا ربي
لما جو اهلي من الدوامات باين علي اني منهاره من البكا الكل يسأل شفيك ماقدرت اقول لاحد اي شي
جا هو يبي يشوفني قلت اني نايمه وتعبانه ومو رايحه البيت اليوم
امي شكت فيني شكلي وانهياري مو طبيعي
يوم سألتني قلت لها جلست تبكي معي وتقولي كل شي له علاج ومدري ايش
انتم متخيلين صدمتي انا حاسه اني انثی ناقصه شعور الامومه اهم شي بالنسبه لكل انسانه
قالتلي لازم تقوليله وتختارون وش بتسوون تبدأون علاج او كيف
انا بحكم اني شفت خالتي اللي نفس الحاله كيف تبهذلت من شيخ لمستشفی لراقيه ل نصابين الخ
شلت هالفكره من راسي
اليوم الثاني جا ياخذني وانا من يوم طلعت السياره ولا كلمه
يقولي انا مزعلك بشي متصرف بشي ما عجبك احد قايلك شي عني تكلمي
قلت له نتفاهم بالبيت
حطيت له التحليل وقلت له هذا المكتوب بالنتايج
قالي نعيد التحليل اكيد فيه غلط
وان طلعت نفس النتائج نتعالج
قلت له انا مالي علاج وان تعالجت بيكون صعب وطويل
انا ما اقدر احرمك من الاطفال نهائي وانت متعلق فيهم
رفض اننا نترك بعض قالي انا متمسك فيك مابي اتركك ابد
سكت وجلست ابكي ب حرقه وبس وهو يهديني
مر اسبوع وانا ماعدت طايقه شي ولا ابي شي ولاني نفس الاول لا معه ولا حتی مع اهلي
لاشفته مع بزران اخوانه احس اني بموت الله يحفظهم لاهلهم
طبعا هو ماقال لاهله شي بس زاد الزن عليه ف قال يبي لنا علاج شوي
ف اشتغلت امه واخواته من هنا انا ما الومهم يبون لاخوهم اطفال مافيها شي بس ماله داعي يجرحون ب تلميحات فاضيه
بما انه اكبر عيالهم ف كان بيسمي ع اسم ابوه
يقولون له والله شكل فلان مطول ولا يبي له فلوس واجد
هو ابدا ماجرحني ولا كان يجيب طاري هالشي بس حتی لو ماتكلم انا عارفه انه يبي طفل
راجعت دكاتره كله نصب وامال فاضيه عشان يمددون المواعيد
بعد فتره رجعت وقلت له انا ماقدر اظلمك انت تبي طفل وانا ماقدر اخلف افهم هالشي
رجع يقولي انا مستحيل اخليك تعيشين المك ذا لوحدك واذا تطلقنا بتنبسطين
قلتله انا ابغاك انت تنبسط انا ماقدر يكون عندي بيبي بس انت تزوج
قلتله انا مستحيل اكمل معك وانا حاسه اني ناقصه مستحيل احس اني حارمتك من حقك الطبيعي ب انك تكون اب
كل يوم اتعذب وانا اشوفك تناظر الاطفال وتلاعبهم
حتی بزران اخوانه هو اكثر واحد يحبونه من كثر ماياخذهم ويلعب معهم
قلتله اني استخرت وارتحت لقراري هذا
قالي انا ماراح اطلق
رحت لاهلي كل يوم كان يكلمني لين انقطع فتره
وبيوم ارسلي انا بتزوج هذا اللي انتي تبيه
اهله حصلو له بنت الحلال
كنت بموت من غيرتي عليه لاني احبه لكن شسوي
قلت له ماتتزوج علي طلقني وبعدين تزوج
مارضی واهلي يقولون لي الرجال شاريك وانتي مرخصه فيه لين صار هالشي مايدرون اني انا اللي ابيه يسوي كذا
طلبت اقدم خلع ابوي رفض
كان يكلمني يوميا اترجاه يطلقني وارتاح مارضی
حتی بيوم زواجه كان يتصل علي ويقولي انه يحبني
تزوج ومع ذلك مانساني ابدا
ويقولي بيتك مفتوح دائما لو تبين ترجعين وقلبي مفتوح لك بعد
مراعاة لمشاعري ماقالي ان زوجته حامل
عرفت من بنت خالي
الان انا بموت من حيرتي وش اسوي مستحححيل ارجع الان وهو شبه مكون عيله له
ومابي اظل معلقه كذا
الصداع مايفارقني وكل يوم مسكنات
ايش اسوي بعمري احساس النقص دمر لي حياتيلمتابعة بقية التفاصيل , الاستشارات , عيادة الاقلاع
